Azərbaycan yığması UEFA Millətlər Liqasında ilk qələbəsini qazanıb - VİDEO

Azərbaycan yığması UEFA Millətlər Liqasında ilk qələbəsini qazanıb - VİDEO

Azərbaycan yığması UEFA Millətlər Liqasında növbəti oyununu keçirib. 

"Birxeber"un məlumatına görə, Canni De Byazinin baş məşqçi olduğu komanda Bakıda Belarusu qəbul edib. 

"Dalğa Arena"dakı qarşılaşmaya Azərbaycan millisi daha üstün başlayıb. 3-cü dəqiqədə Azər Salahlının zərbəsindən sonra top qapının yanından keçib. Ardınca qonaqlar fərqlənməyə yaxın olsa da, qapıçı Şahruddin Məhəmmədəliyev iki epizodda qola mane olub.

Epizodların birində Riçard Almeyda topu qapının üstündən vurub. Daha sonra Emin Mahmudovun cərimə zərbəsi təhlükəli alınıb, lakin qapıçı Pavel Pavlyuçenko topun qapıdan keçməsinə icazə verməyib. İlk hissənin sonlarında Şahruddin Məhəmmədəliyev növbəti dəfə komandanı real qoldan xilas edib. Komandalar fasiləyə qolsuz bərabərliklə yollanıblar.

İkinci yarının əvvəlində də Azərbaycan yığması daha fəal olub. 46-cı dəqiqədə Abbas Hüseynovun zərbəsindən sonra top qapı dirəyinə dəyərək geri qayıdıb, Renat Dadaşovun zərbəsində isə dəqiqlik çatmayıb. 59-cu dəqiqədə zədələnən Eddi İsrafilovun yerinə meydana Coşqun Diniyev daxil olub. Mahir Emreli Renat Dadaşovu,  Anton Krivotsyuk isə Azər Salahlını əvəzləyib. 73-cü dəqiqədə Abbas Hüseynov yerini Namik Ələskərova, Riçard Almeyda isə Aleksey İsayevə verib. 

Azərbaycan yığması 76-cı dəqiqədə istəyinə çatıb. Mahir Emreli baxımlı qolla komandanı önə keçirib. 85-ci dəqiqədə qonaqlar hesabı bərabərləşdirməyə yaxın olsalar da, istəklərinə çata bilməyiblər. 87-ci dəqiqədə isə Ramil Şeydayev qapıçı səddini keçə bilməyib. Şeydayev 90+3-cü dəqiqədə topu rəqib qapıdan keçirməklə fərqi daha da artırıb. 

Beləliklə, rəqibini 2:0 hesabı ilə məğlub edən Azərbaycan yığması UEFA Millətlər Liqasında ilk qələbəsini qazanıb. Qrupun digər matçında Qazaxıstan evdə Slovakiyaya qalib gəlib - 2:1.

Komandalar arasında II tura təsadüf etmiş matçda qolsuz bərabərlik qeydə alınıb. Azərbaycan millisi ilk turda səfərdə Qazaxıstana 0:2, III turda evdə Slovakiyaya 0:1 hesabı ilə uduzub. Rəqib isə birinci qarşılaşmasında Slovakiyaya 0:1 hesabı ilə yenilib, III turda Qazaxıstanla heş-heçə edib - 1:1. Dörd oyundan sonra Qazaxıstan seçməsi 10 xalla liderdir. Slovakiya 6 xalla ikinci, Azərbaycan 4 xalla üçüncü, Belarus isə iki xalla sonuncu yerdədir. 

21:32

Azərbaycan və Belarus yığmaları arasında UEFA Millətlər Liqasının qrup mərhələsinin IV tur oyununda ilk qol vurulub. 

"Birxeber"un məlumatına görə, Azərbaycan millisi 76-cı dəqiqədə hesabı açıb. 

Mahir Emreli baxımlı qola imza atıb. 

20:59

Azərbaycan və Belarus yığmaları arasında UEFA Millətlər Liqasının qrup mərhələsinin IV tur oyununda ikinci hissə başlayıb.

"Birxeber"un məlumatına görə, hələlik "Dalğa Arena"da oynanılan qarşılaşmada hesab açılmayıb.

20:46

Azərbaycan və Belarus yığmaları arasında UEFA Millətlər Liqasının qrup mərhələsinin IV tur oyununda ilk hissə başa çatıb.

"Birxeber"un məlumatına görə, "Dalğa Arena"da keçirilən matçda komandalar fasiləyə qolsuz bərabərliklə yollanıblar.

20:00

Azərbaycan və Belarus yığmaları arasında UEFA Millətlər Liqasının qrup mərhələsinin IV tur oyunu başlayıb.

"Birxeber"un məlumatına görə, "Dalğa Arena"dakı qarşılaşma saat 20:00-da start götürüb.

Görüşü Anastasios Papapetrunun rəhbərlik etdiyi yunanıstanlı hakimlər idarə edir.

Futbol Futbol
"Qarabağ"ın qapıçısı Premyer Liqada 100-cü oyununu keçirib

"Qarabağ"ın qapıçısı Premyer Liqada 100-cü oyununu keçirib

Futbol Futbol
"Neftçi" braziliyalı hücumçu ilə vidalaşıb

"Neftçi" braziliyalı hücumçu ilə vidalaşıb

Futbol Futbol
"Qarabağ"ın legioneri: "Uzun fasilədən sonra qayıtdığım üçün sevincliyəm"

"Qarabağ"ın legioneri: "Uzun fasilədən sonra qayıtdığım üçün sevincliyəm"

Futbol Futbol
Fərid Qayıbov statusu dayandırılan federasiyalardan yazıb

Fərid Qayıbov statusu dayandırılan federasiyalardan yazıb

Futbol Futbol
"Real Madrid"in sabiq futbolçusu ağır vəziyyətdə reanimasiyaya yerləşdirilib

"Real Madrid"in sabiq futbolçusu ağır vəziyyətdə reanimasiyaya yerləşdirilib

Futbol Futbol
Aleksey Baqa "Qarabağ"a məğlubiyyəti şərh edib

Aleksey Baqa "Qarabağ"a məğlubiyyəti şərh edib

Futbol Futbol
"Mançester Siti" Çempionlar Liqasında yubiley matçına çıxıb

"Mançester Siti" Çempionlar Liqasında yubiley matçına çıxıb

Futbol Futbol
"Qarabağ"ın baş məşqçisi: "Yanğın xoş olmayan hadisədir, şirkətə böyük təsir edib"

"Qarabağ"ın baş məşqçisi: "Yanğın xoş olmayan hadisədir, şirkətə böyük təsir edib"

Futbol Futbol
Canni De Byazi: "Qələbə bizim üçün yaxşı oldu"

Canni De Byazi: "Qələbə bizim üçün yaxşı oldu"

Futbol Futbol
Georgi Kondratyev: "Azərbaycan millisi şanslardan istifadə etdi"

Georgi Kondratyev: "Azərbaycan millisi şanslardan istifadə etdi"

Futbol Futbol
"Qarabağ"ın legioneri Millətlər Liqasının oyunlarına çağırılıb

"Qarabağ"ın legioneri Millətlər Liqasının oyunlarına çağırılıb

Futbol Futbol
"Qalatasaray"ın yeni baş məşqçisi bəlli olub

"Qalatasaray"ın yeni baş məşqçisi bəlli olub