Azərbaycan Kuboku: “Neftçi” ilk oyunda məğlub olub

Azərbaycan Kubokunda yarımfinal mərhələsinin daha bir oyunu keçirilib.

“Birxeber.Az”un məlumatına görə, “Turan Tovuz”la “Neftçi” raundun ilk matçında üz-üzə gəliblər.

Tovuzda baş tutan qarşılaşma meydan sahiblərinin 1:0 hesablı qələbəsi ilə yekunlaşıb.

Görüşdə yeganə qola 74-cü dəqiqədə moldovalı müdafiəçi Denis Marandiçi imza atıb.

Bu komandalar arasında cavab matçı aprelin 26-da baş tutacaq.

Qeyd edək ki, dünən keçirilən yarımfinalın ilk qarşılaşmasında “Qəbələ” öz meydanında “Səbail”i 3:2 hesabı ilə məğlub edib.