Almaniyada qatar qəzasında ölənlərin sayı artıb

Almaniyada qatar qəzasında ölənlərin sayı artıb

Almaniyanın Qarmiş-Partenkirxen şəhəri yaxınlığında baş verən qatar qəzasında ölənlərin sayı 5 nəfərə çatıb.

“Birxeber” xəbər verir ki, bu barədə ölkənin “Bild” nəşri yazıb.

Qəza zamanı daha 44 nəfərin xəsarət aldığı deyilir.

Xilasedicilər qəza yerində intensiv işi davam etdirirlər.

Qəza iyunun 3-də Qarmiş-Partenkirxen (Bavariya) şəhəri yaxınlığında baş verib. Naməlum səbəbdən üç vaqon relsdən çıxıb.

Bundan əvvəl qatarda olan azı 3 sərnişinin öldüyü bildirilirdi. Yaralılardan bəzilərinin vəziyyəti ağırdır.