Türkiyədə seçkilərdə hakim partiyadan olan namizəd deputatların siyahısı dəyişib

Türkiyənin hakim Ədalət və İnkişaf Partiyasının (AKP) mayın 14-də keçiriləcək parlament seçkilərindəki namizədlərinin 70%-i dəyişib.

"Report" NTV-yə istinadən xəbər verir ki, bu gün AKP Mərkəzi Seçki Komissiyasına yenilənmiş siyahını təqdim edib.

Belə ki, üç dəfədən artıq seçilmə məhdudiyyəti tətbiq olunub. Hazırkı siyahıda mədəniyyət və turizm naziri Mehmet Nuri Ersoy, eləcə də səhiyyə naziri Fahrettin Koca yoxdur. Ən gənc namizəd 18 yaşlı Nisa Alptekin, ən yaşlı namizəd isə 73 yaşlı Şamil Ayrımdır.

Qeyd edək ki, mayın 14-də keçiriləcək seçkilərdə iştirak edən Türkiyənin əsas partiyaları bu gün namizəd siyahılarını Mərkəzi Seçki Komissiyasına təqdim ediblər.

Türkiyədə gələn ay prezident seçkiləri parlament seçkiləri ilə birlikdə keçiriləcək. Birinci turda qalib gəlmək üçün dövlət başçısı postuna namizəd 50%-dən çox səs toplamalıdır.