Elmira Axundova Brilliant Dadaşovanın konserti barədə: “Getmişəm, yaxşı etmişəm” - YENİLƏNİB - FOTO

Elmira Axundova Brilliant Dadaşovanın konserti barədə: “Getmişəm, yaxşı etmişəm” - YENİLƏNİB - FOTO

Azərbaycanın Ukraynadakı səfiri Elmira Axundovanın Xalq artisti Brilliant Dadaşovanın ötən gün baş tutan konsertində iştirak etməsi sosial şəbəkələrdə və yerli mediada ciddi müzakirələrə səbəb olub. Belə ki, sosial şəbəkə istifadəçiləri xanım səfiri Ukraynaya qayıtmadığına görə tənqid ediblər.

Birxeber xəbər verir ki, Qafqazinfo məsələ ilə bağlı Azərbaycanın Ukraynadakı səfiri Elmira Axundovanın mövqeyini öyrənib.

Xanım səfir qeyd edib ki, sosial şəbəkədə yazılanları oxumur:

“Çünki sosial şəbəkələrdə adətən ədalətsiz və qərəzli məlumatlar paylaşılır. Özü də şəbəkələr çox ağır söyüşlərlə doludur. Bu, qəbuledilməzdir”.

Elmira Axundova qeyd edib ki, artıq 3 aya yaxındır ki, o və bir neçə əməkdaşı Bakıdadır: 

“Əməkdaşlarımız rotasiya qaydasında Ukraynadakı səfirliyimizdə işləyirlər. Mən bütün məsələləri rəhbərliklə əlaqələndirirəm. Bir neçə dəfə rəhbərliyə müraciət etmişəm ki, mən – yəni səfir başda olmaqla bütün heyət Ukraynaya qayıtmağa, orada işləməyə hazırıq. Mən bu gün də, sabah da Ukraynaya getməyə hazıram. Lakin rəhbərliyin münasibəti başqadır. Ukraynada müharibə davam etdiyindən, təhlükəsizliklə bağlı suallar olduğundan rəhbərlik hələ ki, səfirliyin qadın əməkdaşlarını bu ölkəyə göndərmir. Ukraynada səfirlikdə üç qadın əməkdaş var: mən, mənim köməkçim və üçüncü katib. Bizə deyirlər ki, siz hələ Azərbaycanda qalın. Kişi əməkdaşlarımız isə öz ailələri, arvad-uşaqlarını Bakıda qoymaq şərti ilə rotasiya qaydasında Kiyevdə işləyirlər”.

O vurğulayıb ki, Bakıda olan əməkdaşlar iş başındadırlar, onlar rəhbərlik tərəfindən verilən tapşırıqları layiqincə yerinə yetirirlər. 

“Mən iki dəfə səfirlik adından Ukraynaya humanitar yardım göndərmişəm – Dnepr və Xarkov şəhərlərinə. Görün sosial şəbəkələrdə qışqıranlar, Ukraynanı çox istəyənlər bu ölkəyə bir kiloqram humanitar yardım, bir dollar göndəriblər? Mən Ukraynada yaşayan soydaşlarıma kömək edirəm və etməyə davam edəcəyəm. Ukraynaya 30 ton humanitar yardım göndərmişik. İrpen şəhərindəki Zərifə Əliyeva adına məktəbin təmiri ilə məşğuluq, bir çox başqa vacib işlərlə - analitik yazılar, press-relizlər, vətəndaşlara kömək. Ona görə də mənim konsertə gedib-getməməyimin heç bir mənası yoxdur. Getmişəm, yaxşı etmişəm”.

***13:30

Ötən gün Bakıda Xalq artisti Brilliant Dadaşovanın Heydər Əliyev sarayında “Ürəklə sizinlə” adlı konsert proqramı baş tutub.

Bizim.Media-nın əldə etdiyi görüntülərə əsasən, konsertə uzun zamandır görünməyən Azərbaycanın Ukraynadakı fövqəladə və səlahiyyətli səfiri Elmira Axundova da gəlib.

Qeyd edək ki, Ukraynada müharibə başladıqdan sonra dövlətimizin ali təmsilçisi kimi vəzifə məsuliyyətindən kənar addım ataraq postunu qoyub ölkəsinə gələn Azərbaycan səfiri hələ də bu addımına görə ictimaiyyətdə sərt tənqid olunur.

Üstəlik savaş meydanında hər an ölümlə çarpışan Azərbaycan vətəndaşları olduğu halda Elmira Axundovanın soydaşlarımızın təxliyyəsinin təşkilində iştirak etməməsi də sərt şəkildə qınanılırdı. 

Səfirimiz hələ də Ukraynadakı vəzifəsinə qayıtmayıb.

Birxeber
HADİSƏ HADİSƏ
Bakının bir sıra yollarında nəqliyyatın sıxlığı müşahidə edilir - SİYAHI - YENİLƏNİB

Bakının bir sıra yollarında nəqliyyatın sıxlığı müşahidə edilir - SİYAHI - YENİLƏNİB

HADİSƏ HADİSƏ
Dövlət Vergi Xidmətinin vəzifəli şəxsləri döyülüb

Dövlət Vergi Xidmətinin vəzifəli şəxsləri döyülüb

HADİSƏ HADİSƏ
Bakıda yaşlı kişi özünə çoxsaylı xəsarətlər yetirdi

Bakıda yaşlı kişi özünə çoxsaylı xəsarətlər yetirdi

HADİSƏ HADİSƏ
Nəcməddin Sadıkovun “sağ əli” həbs olundu

Nəcməddin Sadıkovun “sağ əli” həbs olundu

HADİSƏ HADİSƏ
Ağstafada 40 yaşlı kişi küçədə keçmiş arvadını zorladı - TƏFƏRRÜAT

Ağstafada 40 yaşlı kişi küçədə keçmiş arvadını zorladı - TƏFƏRRÜAT

HADİSƏ HADİSƏ
Bakıda 41 yaşlı qadını avtomobil vurub

Bakıda 41 yaşlı qadını avtomobil vurub

HADİSƏ HADİSƏ
Azərbaycanda qadın məhbusların və yetkinlik yaşına çatmayan məhkumların sayı açıqlanıb

Azərbaycanda qadın məhbusların və yetkinlik yaşına çatmayan məhkumların sayı açıqlanıb

HADİSƏ HADİSƏ
Müstəntiqin qətlə yetirdiyi nişanlısı polis imiş

Müstəntiqin qətlə yetirdiyi nişanlısı polis imiş

HADİSƏ HADİSƏ
Bakıda baş vermiş ağır qəzanın görüntüləri yayıldı - VİDEO

Bakıda baş vermiş ağır qəzanın görüntüləri yayıldı - VİDEO

HADİSƏ HADİSƏ
"Kamaz"la "BMW" toqquşdu, xəsarət alan var

"Kamaz"la "BMW" toqquşdu, xəsarət alan var

HADİSƏ HADİSƏ
Xocavənddə xeyli sayda silah-sursat aşkarlanıb

Xocavənddə xeyli sayda silah-sursat aşkarlanıb

HADİSƏ HADİSƏ
Bakıda 11-ci sinif şagirdi ölüb

Bakıda 11-ci sinif şagirdi ölüb