DİM 38 mindən çox abituriyent üçün qəbul imtahanı keçirəcək

DİM 38 mindən çox abituriyent üçün qəbul imtahanı keçirəcək

Dövlət İmtahan Mərkəzi 4-5 iyunda I ixtisas qrupu, həmçinin iyunun 5-də IV ixtisas qrupu üzrə ali təhsil müəssisələrinə qəbul imtahanı keçirəcək.

DİM-dən "Birxeber"a verilən məlumata görə, imtahanlar Bakı, Naxçıvan, Gəncə, Şəmkir, Qazax, Ağstafa, Sumqayıt, Şəki, Bərdə, Göyçay, Şirvan, Sabirabad, Salyan, Lənkəran və Xaçmazda təşkil olunacaq.

İştirakçılar mayın 27-dən etibarən Dövlət İmtahan Mərkəzinin saytında "İmtahana buraxılış vərəqəsi"ni çap edə bilirlər.

“İmtahana buraxılış vərəqəsi”ndə imtahanın keçiriləcəyi tarix, şəhər (rayon), bina, zal, başlanma vaxtı və abituriyentin imtahan binasına gəlmə vaxtı və s. məlumatlar qeyd olunub.

Abituriyentlərin bir daha nəzərinə çatdırırıq ki, imtahan saat 11:00‑da başlanacaq. İmtahanın başlanmasına 15 dəqiqə qalmış – saat 10:45-də buraxılış rejimi başa çatır və bundan sonra gələn iştirakçılar imtahan binasına buraxılmırlar.

Kütləviliyin qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.

Abituriyentlər imtahana aşağıdakı sənədləri gətirməlidirlər:

- İmtahana buraxılış vərəqəsi;

- Şəxsiyyəti təsdiq edən sənədin əsli.

a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).

İmtahan keçirilən şəhər və rayonlarda ümumilikdə 160 imtahan binası, 2865 imtahan zalı ayrılıb. İmtahanların idarə olunmasına 160 ümumi imtahan rəhbəri, 476 imtahan rəhbəri, 3564 nəzarətçi–müəllim, 435 buraxılış rejimi əməkdaşı, 160 bina nümayəndəsi ayrılıb.

İyunun 4-də keçiriləcək imtahanda 21 753, iyunun 5-də keçiriləcək imtahanlarda isə 16 786 nəfər olmaqla, ümumilikdə 38 539 abituriyentin iştirakı nəzərdə tutulur.

İmtahanlarda 24 nəfər fiziki məhdudiyyətli (I qrup gözdən əlil, eşitmə əngəlli və digər) abituriyent də iştirak edəcək. Bu abituriyentlərin rahat şəkildə imtahan verməsi üçün imtahan binalarında ayrıca zallar ayrılıb, gözdən əlillər üçün tapşırıqların oxunması, cavab vərəqinin doldurulması və s. işlər üçün fərdi nəzarətçilər təyin edilib. Hərəkət məhdudiyyətli abituriyentlərin bina və zala daxil olması və rahat şəkildə hərəkəti üçün də xüsusi şərait yaradılıb.

Hazırda qeyd olunan şəhər və rayonlarda imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə təlim-seminarlar keçirilir. Bütün imtahan binalarına baxış keçirilir, imtahan zallarında abituriyentlərin rahat şəkildə imtahan verməsi üçün zəruri şərait yaradılır. Təhlükəsizliyin təmin edilməsi məqsədilə imtahan mərkəzlərinə iyunun 3-də təkrar baxış keçiriləcək və imtahan zalları, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarının mühafizəsinə veriləcək.

İmtahanların gedişini işıqlandırmaq üçün 45 KİV nümayəndəsi DİM-də akkreditasiyadan keçib.

Elm və təhsil Elm və təhsil
Bu gün IX sinif şagirdləri buraxılış imtahanı verir

Bu gün IX sinif şagirdləri buraxılış imtahanı verir

Elm və təhsil Elm və təhsil
Məleykə Abbaszadə: "Apellyasiya şikayətləri ilə 200-ə yaxın abituriyentin nəticəsi dəyişib"

Məleykə Abbaszadə: "Apellyasiya şikayətləri ilə 200-ə yaxın abituriyentin nəticəsi dəyişib"

Elm və təhsil Elm və təhsil
Bu gün IX sinif şagirdləri üçün buraxılış imtahanı keçiriləcək

Bu gün IX sinif şagirdləri üçün buraxılış imtahanı keçiriləcək

Elm və təhsil Elm və təhsil
DİM 19 mindən çox şagird üçün buraxılış imtahanı keçirib

DİM 19 mindən çox şagird üçün buraxılış imtahanı keçirib

Elm və təhsil Elm və təhsil
Buraxılış imtahanında az bal toplayanlar qəbul imtahanında iştirak edə bilərmi? - AÇIQLAMA

Buraxılış imtahanında az bal toplayanlar qəbul imtahanında iştirak edə bilərmi? - AÇIQLAMA

Elm və təhsil Elm və təhsil
Bu gün IX sinif şagirdləri buraxılış imtahanı verəcək

Bu gün IX sinif şagirdləri buraxılış imtahanı verəcək

Elm və təhsil Elm və təhsil
DİM imtahan nəticələrinin tələbələr tərəfindən yoxlanıldığı iddialarına cavab verib

DİM imtahan nəticələrinin tələbələr tərəfindən yoxlanıldığı iddialarına cavab verib

Elm və təhsil Elm və təhsil
DİM tərəfindən növbəti imtahanlar keçirilir

DİM tərəfindən növbəti imtahanlar keçirilir

Elm və təhsil Elm və təhsil
Doktoranturaya sənəd qəbulu sabah başa çatır

Doktoranturaya sənəd qəbulu sabah başa çatır

Elm və təhsil Elm və təhsil
Müəllimlərin işə qəbulu üzrə müsabiqəyə çıxarılacaq vakant yerlərin sayı açıqlanıb

Müəllimlərin işə qəbulu üzrə müsabiqəyə çıxarılacaq vakant yerlərin sayı açıqlanıb

Elm və təhsil Elm və təhsil
Uşaq bağçalarına qəbul iyul ayından başlayacaq

Uşaq bağçalarına qəbul iyul ayından başlayacaq

Elm və təhsil Elm və təhsil
Selçuk Bayraktar “TEKNOFEST"lə bağlı paylaşım edib: “Türkün gücünü dünya görsün, yerini bilsin”

Selçuk Bayraktar “TEKNOFEST"lə bağlı paylaşım edib: “Türkün gücünü dünya görsün, yerini bilsin”