"MTN işi"ndə zərərçəkmiş: "Dedi ki, pulu Eldar Mahmudov istəyir"

"MTN işi"ndə zərərçəkmiş: "Dedi ki, pulu Eldar Mahmudov istəyir"

Ləğv edilmiş Milli Təhlükəsizliyi Nazirliyi (MTN) Baş İstintaq İdarəsinin rəisi, general-mayor Mövlam Şıxəliyev, İstintaq idarəsinin rəis müavini, 1-ci şöbənin rəisi Yasin Məmmədov, İdarənin 2-ci şöbənin rəisi, polkovnik Vüsal Ələkbərov, habelə İdarənin metodiki yardım və kriminalistika şöbəsinin rəis müavini Sahib Ələkbərovun cinayət işi üzrə məhkəmə prosesi keçirilib.

Birxeber "Birxeber"a istinadən xəbər verir ki, Bakı Hərbi Məhkəməsinin hakimi Elbəy Allahverdiyevin sədrliyi ilə baş tutan prosesdə zərərçəkmiş qismində Nizami Kazımov sərbəst ifadə verib.

O deyib ki, 1992-ci ildə Naxçıvandan Bakıya köçüb və sahibkarlıq fəaliyyətinə başlayıb və “BİOİL” MMC-ni təsis edib.

Zərərçəkmişin sözlərinə görə, 2008-ci ildə onu MTN-ə çağırıblar: "Məni Vüsal Ələkbərovun xidməti otağına apardılar. Dedi ki, "3 milyon dollar verməlisən, yoxsa həbsə gedəcəksən". Kürəkənim O.Samirin “Texnikabank”da adına əmanət qoyduğu 1 milyon 120 min dollar vəsait barədə soruşdu. Məni MTN-in İstintaq Təcridxanasında 2 gün saxladılar, daha sonra Səbail Rayon Məhkəməsinə aparıblar və barəsində 3 ay müddətinə həbs qətimkan tədbiri seçilib: “Həbsdə olduğum müddətdə Vüsal Ələkbərov təxminən 20 dəfə məni öz xidməti otağına gətizdirdi. Deyirdi ki, 3 milyon dollar ver, barəndəki cinayət işini xitam edək. Mənə 8 ildən 12 ilədək cəza kəsiləcəyi ilə hədələyirdi. Dedi ki, pulu Eldar Mahmudov istəyir, Mövlam Şıxəliyev isə tələb edir.

Həbs ediləndə Mövlam Şixəliyev məni xidməti otağına çağırdı. O, saymazyana şəkildə dedi ki, Vüsalın dediyi məbləği, yəni 3 milyon dolları verməlisən”.

N.Kazımov bildirib ki, bundan sonrakı görüşlərdə Vüsal Ələkbərov 2 milyon dollar tələb etməyə başlayıb: "Mövlam dedi ki, Vüsalın tələb etdiyi 2 milyon dolları verməliyəm. O qədər pul verə bilməyəcəyimi bildirdim".

N.Kazımov qeyd edib ki, həmin günlərdə qardaşı Arzu Kazımov M.Şixəliyevin yanına gedib: “Söhbət əsnasında Mövlam Şıxəliyev qardaşıma qeyd edib ki, "Nizaminin taleyi Eldar Mahmudovluqdur". Qardaşım Eldar Mahmudovun da qəbuluna gedib. Eldar Mahmudov qardaşımın yanında Mövlam Şixəliyevlə telefonla danışandan sonra Arzuya deyib ki, qardaşının həbsdən çıxarılması ücün onun istədiyini verməlisiz. Sonra onların istədiyi pulu hissə-hissə verdim".

Məhkəmə iyunun 6-da davam edəcək.

Xatırladaq ki, MTN-nin Hərbi əks-Kəşfiyyat Baş İdarəsinin sabiq rəisi Nizami Şirinov tərəfindən qanunsuz əməllərə yol verilməsi faktları ilə bağlı başlanmış cinayət işindən M.Şixəliyevin İstintaq Baş İdarəsinin rəisi vəzifəsində çalışdığı 2008-2014-cü illərdə qeyd edilən qurumun tərkibindəki şöbənin sabiq rəisi V.Ələkbərov, İbtidai istintaq idarəsinin sabiq rəis müavini Y.Məmmədov, şöbə rəisinin sabiq müavini Sahib Ələkbərov ilə mütəşəkkil dəstə tərkibində külli miqdarda özgənin pul və əmlakını hədə-qorxu ilə tələb etmə, külli miqdarda rüşvət alma və sair cinayətlərinə görə ayrıca icraat ayrılıb.

İstintaqla M.Şixəliyevin mütəşəkkil dəstə halında ümumilikdə 14 milyon 292 min manat məbləğində pul vəsaitini rüşvət qismində, 5 milyon 77 min manat məbləğində özgə əmlakını hədə-qorxu ilə tələb edib almasına, həmçinin səlahiyyət həddini aşması və sübutları saxtalaşdırmasına əsaslı şübhələr müəyyən edilib.

M.Şixəliyevə Cinayət Məcəlləsinin 182.3.1, 182.3.2 (külli miqdarda əmlak əldə etmək məqsədi ilə mütəşəkkil dəstə tərəfindən hədə qorxu ilə tələb etmə), 294.3 (sübutları saxtalaşdırma), 311.3.1 (qabaqcadan əlbir olan bir qrup şəxs və ya mütəşəkkil dəstə tərəfindən rüşvət alma) və digər maddələri ilə ittiham elan edilməklə barəsində məhkəmənin qərarı ilə həbs qətimkan tədbiri seçilib, V.Ələkbərov, Y.Məmmədov və S.Ələkbərov Məcəllənin 311.3.1, 341.2.1, 341.2.3-cü (vəzifə səlahiyyətlərindən sui-istifadə və ya vəzifə səlahiyyətlərini aşma) və digər maddələri ilə təqsirləndirilən şəxs qismində cəlb edilməklə barələrində müvafiq qətimkan tədbirləri seçilib.

Cinayət işi üzrə ittiham aktı təsdiq edilərək baxılması üçün aidiyyəti üzrə Bakı Hərbi Məhkəməsinə göndərilib.

İş üzrə 32 zərərçəkmiş var.

Birxeber
HADİSƏ HADİSƏ
Bakıda səfirlik maşını yolu keçən piyadanı vurdu

Bakıda səfirlik maşını yolu keçən piyadanı vurdu

HADİSƏ HADİSƏ
BDU-nun tələbəsi bədbəxt hadisə nəticəsində ölüb - YENİLƏNİB

BDU-nun tələbəsi bədbəxt hadisə nəticəsində ölüb - YENİLƏNİB

HADİSƏ HADİSƏ
“Shacman” aşdı: xəsarət alan var

“Shacman” aşdı: xəsarət alan var

HADİSƏ HADİSƏ
FHN biri azyaşlı olmaqla 6 nəfəri xilas etdi - VİDEO

FHN biri azyaşlı olmaqla 6 nəfəri xilas etdi - VİDEO

HADİSƏ HADİSƏ
Gəncədə tüfeyli həyat tərzi keçirənlər və dilənçilər saxlanılıb

Gəncədə tüfeyli həyat tərzi keçirənlər və dilənçilər saxlanılıb

HADİSƏ HADİSƏ
Narkotikin təsiri altında avtomobil idarə etdi - Polisin əmrinə tabe olmadı

Narkotikin təsiri altında avtomobil idarə etdi - Polisin əmrinə tabe olmadı

HADİSƏ HADİSƏ
Neftçalada 49 yaşlı kişi tanışı tərəfindən bıçaqlanıb

Neftçalada 49 yaşlı kişi tanışı tərəfindən bıçaqlanıb

HADİSƏ HADİSƏ
Qəzada xəsarət alan bələdiyyə sədri vəfat edib

Qəzada xəsarət alan bələdiyyə sədri vəfat edib

HADİSƏ HADİSƏ
Xəzər dənizində zəlzələ olub

Xəzər dənizində zəlzələ olub

HADİSƏ HADİSƏ
Bakıda sıxlıq müşahidə edilən yollar açıqlanıb - SİYAHI - YENİLƏNİB-2

Bakıda sıxlıq müşahidə edilən yollar açıqlanıb - SİYAHI - YENİLƏNİB-2

HADİSƏ HADİSƏ
Mağazalardan oğurluq edən dəstə üzvləri tutulub - FOTO

Mağazalardan oğurluq edən dəstə üzvləri tutulub - FOTO

HADİSƏ HADİSƏ
Həftəsonu yollarda 8 nəfər ölüb

Həftəsonu yollarda 8 nəfər ölüb