Bakıda söküləcək məktəbin şagirdlərinin köçürüləcəyi təhsil müəssisələri bilinib

Bakı Şəhəri üzrə Təhsil İdarəsinin tabeliyində fəaliyyət göstərən 57 nömrəli tam orta məktəbin binasının sökülərək yenidən tikintisi planlaşdırılır.

BŞTİ-dən APA-nın sorğusuna cavab olaraq bildirilib ki, hazırda 57 nömrəli tam orta məktəbdə 906 şagird təhsil alır.

Qeyd edilib ki, 557 şagirdin 291 nömrəli Ekologiya liseyinin bir korpusunda, 349 şagirdin isə 178 nömrəli tam orta məktəbdə yerləşdirilməsi nəzərdə tutulur.