Bütün xarici vətəndaşların Azərbaycana hava yolu ilə giriş-çıxışına icazə verilib
https://birxeber.az//uploads/photo/butun-xarici-vetendashlarin-azerbaycana-hava-yolu-ile-girish-chixishina-icaze-verilib.webp
Bu gündən bütün xarici ölkə vətəndaşlarının hava nəqliyyatı vasitəsilə Azərbaycan ərazisinə giriş-çıxışına icazə veriləcək.
"Report"un xəbərinə görə, bununla bağlı Baş nazir Əli Əsədov martın 27-də qərar imzalayıb.
Qərara əsasən bu gün saat 06:00-dan hava nəqliyyatı vasitəsilə bütün xarici ölkə vətəndaşlarının və həmin ölkələrdə daimi yaşayan digər ölkə vətəndaşlarının, habelə vətəndaşlığı olmayan şəxslərin ölkəyə giriş-çıxışına icazə verilib.
Qeyd edək ki, Əli Əsədov dünən Azərbaycanda xüsusi karantin rejimində bəzi məhdudiyyətlərin aradan qaldırılması ilə bağlı əlavə tədbirlər barədə qərar imzalayıb.
