"Neftçi"nin futbolçusu Azərbaycan çempionatlarında 100-cü oyununu keçirib
https://birxeber.az//uploads/photo/neftchinin-futbolchusu-azerbaycan-chempionatlarinda-100-cu-oyununu-kechirib.webp
“Neftçi”nin futbolçusu Ömər Buludov Azərbaycan çempionatlarında 100-cü oyununu keçirib.
"Birxeber.Az" Peşəkar Futbol Liqasının rəsmi saytına istinadən xəbər verir ki, 25 yaşlı müdafiəçinin yubileyi Premyer Liqanın XXVII turuna təsadüf edib.
O, “Kəpəz”lə ev matçında (2:2) sonradan meydana çıxıb.
Oyunçu yalnız “Neftçi”nin formasını geyindiyi üçün 100 görüşü də bu komandada keçirib. Onun aktivində 4 qol var.
Qeyd edək ki, Buludovun çempionatda debütü 2017/2018 mövsümündə gerçəkləşib. O, 2017-ci il noyabrın 25-də “Keşlə” (indiki “Şamaxı”) ilə ev matçında (3:1) şans qazanıb.
