Ermənistan ATƏT-də Azərbaycanın İrandakı Səfirliyinə terror hücumunu pisləyən bəyannamənin qəbuluna mane olub

Ermənistan İranın sifarişi ilə ATƏT-də Azərbaycan səfirliyinə qarşı terror hücumunu pisləyən bəyannamənin qəbul edilməsinə mane olub

“Report” xəbər verir ki, rəsmi İrəvan iki aya yaxın müddətdə davam edən müzakirələrə hər vəchlə maneçilik törədib və səfirliyə xain hücumu pisləyən, terror qurbanlarının ailələrinə başsağlığı diləklərinin çatdırıldığı, və ədalətin təmin olunması məqsədilə hərtərəfli istintaq aparılmasının vacibliyinin vurğulandığı bəyannamənin qəbuluna imkan verməyib.

Bu bir daha göstərir ki, Ermənistan İranın ATƏT-də əsas təmsilçisi olmaqla yanaşı, sülhdə və əmin-amanlıqda maraqlı olmayan tərəfdir.