Rafael Fiziyevlə Castin Geycinin çəki mərasimi keçirilib

“UFC-286” turnirində qarşılaşacaq yüngül çəkidə MMA döyüşçüləri Rafael Fiziyev və Castin Geycinin çəki mərasimi keçirilib.

“Report”un məlumatına görə, bu gün həm onlar, həm də yarışda iştirak edəcək digər idmançılar tərəziyə çıxıblar.

Əsas proqramda çıxış edəcək Azərbaycan və ABŞ idmançılarının çəkisi eyni olub – 70,76 kq.

Qeyd edək ki, Rafael Fiziyevlə Castin Geyci arasında döyüş martın 18-dən 19-na keçən gecə İngiltərənin paytaxtı Londonda keçiriləcək.