Şri-Lankada avtobus qəzasında 33 nəfər xəsarət alıb

Cümə günü günorta saatlarında Şri-Lankanın şərq əyalətinin Ampara şəhərində iki avtobusun toqquşması nəticəsində 25-i məktəbli olmaqla, 33 nəfər yaralanıb.

APA "Sinxua" agentliyinə istinadla xəbər verir ki, bu barədə yerli polis idarəsindən bildirilib.

Qəzada məktəb avtobusu digər avtobusla toqquşub.

Yaralılar Ampara xəstəxanasında müalicə olunurlar.