Britaniya səfiri İran XİN-ə çağırılıb

Britaniya səfiri İran Xarici İşlər Nazirliyinə çağırılıb.

APA xəbər verir ki, bu barədə IRNA məlumat yayıb.

Bildirilib ki, Böyük Britaniya hökumətinin İran İslam Respublikasına qarşı ittihamlarının davam etməsindən sonra bu ölkənin Tehrandakı səfiri Saymon Şerklif bu gün XİN-ə çağırılıb.

İran Xarici İşlər Nazirliyinin Qərbi Avropan idarəsinin rəisi Britaniya hakimiyyətinin ittihamlarını, sanksiyalarını əsassız adlandırıb və qəti şəkildə pisləyib, İranın sərt etirazını səfirə çatdırıb.

Britaniya səfiri məsələni ölkəsinə çatdıracağını bildirib.