Suren Papikyan fransalı senatorla hərbi əməkdaşlıq məsələlərini müzakirə edib

Ermənistanın müdafiə naziri Suren Papikyan Fransa Senatının xarici əlaqələr, müdafiə, silahlı qüvvələr və Avropa məsələləri üzrə komissiyalarının üzvü Ronan Le Qloyo ilə ölkənin Silahlı Qüvvələrində aparılan islahatları müzakirə edib.

“Report” Ermənistan KİV-ə istinadən xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.

Tərəflər Ermənistan və Fransa arasında müdafiə sahəsində ikitərəfli münasibətləri, İrəvan ilə Avropa İttifaqı arasında əməkdaşlıq məsələlərini müzakirə ediblər.