Zelenski hərbi yardımların Ukraynaya kifayət etmədiyini bildirib

ABŞ-nin təsdiq etdiyi hərbi paket çərçivəsində yardım artıq Ukraynaya gəlməyə başlayıb.

Birxeber.Az xəbər verir ki, bu barədə Ukrayna Prezidenti Vladimir Zelenski Kiyevdə NATO-nun Baş katibi Yens Stoltenberqlə birgə keçirdiyi mətbuat konfransında bildirib.

Zelenski konkret nəyin gəldiyini açıqlamayıb.

“Ancaq təəssüf ki, hər şey ordumuzu və müvafiq sayda briqadaları təmin etmək üçün kifayət deyil”, - Zelenski vurğulayıb.

O, təhlükəsizlik sazişlərinin imzalanmasının vacibliyindən də danışıb və əlavə edib ki, təhlükəsizliyi təmin edən sənədlər həqiqətən onlara çox kömək edir.