Bu ay valyuta hərraclarında dollar tələbi 417 milyonu ötüb

2024-cü ilin yanvar ayında valyuta hərraclarında 417.1 milyon ABŞ dolları satılıb.

“Birxeber.Az-Economics” Azərbaycan Mərkəzi Bankına (AMB) istinadən xəbər verir ki, bu göstəricinin həcmi ötən ilin müvafiq dövrü ilə müqayisədə 2.2 dəfə və ya 228.5 milyon dollar çoxdur. Belə ki, 2023-cü ilin yanvar ayında keçirilən valyuta hərraclarında 188.6 milyon ABŞ dolları satılıb.

Qeyd edək ki, cari ayda AMB-də 7 valyuta hərracı təşkil edilib.