Banqladeş nümayəndəsi: “Bakı sammiti COVID-dən sonrakı bərpa prosesini müzakirə etməyə imkan verəcək”

"Qoşulmama Hərəkatının COVID-19-a qarşı mübarizə üzrə Təmas Qrupunun Bakıda keçirilən Zirvə görüşü koronavirusdan sonrakı bərpa prosesini müzakirə etməyə imkan verəcək".

"Birxeber.Az" xəbər verir ki, bunu Banqladeş hökumətinin nümayəndəsi, sammitin iştirakçısı Culiya Moin jurnalistlərə açıqlamasında deyib.

"Bu tədbir çərçivəsində biz dünyanın COVID-19 pandemiyası ilə bağlı vəziyyətdən necə çıxa biləcəyi ilə bağlı tövsiyələr, iş planı hazırlaya bilərik" - o bildirib. 

C.Moin vurğulayıb ki, Azərbaycan Qoşulmama Hərəkatının sədri olaraq bu platformanın inkişafına böyük töhfə verib.

Xatırladaq ki, bu gün Bakıda Qoşulmama Hərəkatının COVID-19-a qarşı mübarizə üzrə Təmas Qrupunun Zirvə görüşü keçirilir.