ABŞ səfirliyi: Mina partlaması nəticəsində ANAMA əməkdaşının xəsarət alması bizi kədərləndirdi

ABŞ-nin Azərbaycandakı səfiriliyi bu gün Şuşada baş verən mina partlayışı barədə paylaşım edib.

"Report" xəbər verir ki, bu barədə səfiriliyin "X" hesabındakı paylaşım edilib.

"Bu gün mina partlaması nəticəsində ANAMA əməkdaşının xəsarət alması xəbəri bizi kədərləndirdi. Birləşmiş Ştatlar ölkəni minalardan təmizləmək səylərində Azərbaycana dəstək vermək öhdəliyində qətiyyətlidir. Bütün mina qurbanlarının və onların ailələrinin kədərini bölüşürük", - məlumatda bildirilib.

Qeyd edək ki, aprelin 27-də ANAMA-nın əməkdaşı, 1981-ci il təvəllüdlü Elçin Aydın oğlu Quliyev azad edilmiş Şuşa rayonunun Qaybalı kəndi ərazisində xidməti vəzifəsini yerinə yetirərkən piyada əleyhinə mina partlayışı nəticəsində xəsarət alıb.

Bu gün @ANAMA_gov_az əməkdaşının mina partlaması nəticəsində xəsarət alması xəbəri bizi kədərləndirdi. Birləşmiş Ştatlar ölkəni minalardan təmizləmək səylərində Azərbaycana dəstək vermək öhdəliyində qətiyyətlidir. Bütün mina qurbanlarının və onların ailələrinin kədərini… pic.twitter.com/IN5tBOCNVG

— U.S. Embassy Baku (@USEmbassyBaku) April 27, 2024