İstanbulda terror törədən şəxsə 1794 il həbs cəzası verilib

PKK terror təşkilatının təlimatı ilə 13 noyabr 2022-ci ildə İstanbulun İstiqlal küçəsində törədilən terror aktı ilə bağlı məhkəmə tərəfindən yekun qərar qəbul edilib.

APA-nın Türkiyə müxbirinin verdiyi xəbərə görə, bu barədə TRT Haber məlumat yayıb.

Qeyd olunub ki, terror aktını törətməkdə günahlandırılan Əhlam Əlbəşir 7 dəfə ağırlaşdırılmış ömürlük həbslə 1794 il həbs cəzasına məhkum edilib.

Xatırladaq ki, 13 noyabr 2022-ci ildə törədilən terror aktı nəticəsində 6 nəfər həyatını itirib.