Çexiyanın yeni Prezidenti: “Ukrayna müharibədən sonra NATO-ya qəbul edilməlidir”

NATO müharibə bitdikdən dərhal sonra Ukraynanı üzvlüyünə qəbul etməlidir, çünki bu ölkənin silahlı qüvvələri qitənin ən təcrübəli ordusu olacaq.

“Birxeber.Az” xəbər verir ki, bunu “Suspіlnı”ya müsahibəsində Çexiya Respublikasının yeni seçilmiş, lakin hələ vəzifəsinin icrasına başlamayan Prezidenti Petr Pavel bildirib.

Onun sözlərinə görə, müharibənin davam etdiyi bir vaxtda Ukraynanın NATO-ya qoşulmasından söhbət gedə bilməz, çünki bu, dərhal nüvə ölkələri arasında müharibəyə gətirib çıxaracaq. Lakin sülh yarandıqdan sonra Alyans Ukraynanın üzvlük məsələsini nəzərdən keçirməlidir.

"Ukrayna NATO-nun yeni üzvü kimi görünməyə layiqdir: - standartları, hamımız üçün vacib olan dəyərləri qoruduğuna görə. Həmçinin, Ukrayna ordusu bəlkə də bütün ordulardan ən təcrübəlisi olacaq və bu, NATO ölkələri üçün böyük üstünlükdür”, - Pavel bildirib.