"Swiss International Air Lines"in təyyarəsi Bakıda təcili eniş edib

"Swiss International Air Lines" aviaşirkətinin Sürix-Sinqapur reysini yerinə yetirən hava gəmisinin kapitanı Heydər Əliyev Beynəlxalq Aeroportuna təcili eniş sorğusu göndərib.

“Birxeber.Az” bu barədə Heydər Əliyev Hava Limanına istinadən xəbər verir.

Məlumata görə, təcili enişə səbəb təyyarədə olan sərnişinlərdən birinin səhhətinin qəflətən pisləşməsi (insult) olub.

"Boeing 777" təyyarəsi yerli vaxtı ilə saat 06:53-də Bakı hava limanında uğurla eniş edib. Enişdən dərhal sonra sərnişin təcili tibbi yardım briqadasına təhvil verilib və paytaxt klinikalarından birinə çatdırılıb", - məlumatda qeyd edilib.