Rusiyada həbs edilən nazir müavini vəzifəsindən uzaqlaşdırılıb

Rusiyanın müdafiə naziri Sergey Şoyqu Timur İvanovu nazir müavini vəzifəsindən uzaqlaşdırıb.

APA xəbər verir ki, bu barədə "TASS" agentliyi məlumat yayıb.

Xatırladaq ki, Rusiya müdafiə nazirinin müavini Timur İvanov rüşvət almaqda təqsirləndirilərək saxlanılıb. Timur İvanovun 1 milyard rubldan çox məbləğdə rüşvət aldığı bildirilir.

Onun 15 il müddətinə azadlıqdan məhrum ediləcəyi gözlənilir.