Dünya bazarında neftin qiyməti cüzi artıb

ABŞ Energetika Nazirliyinin ölkədə neft ehtiyatlarının əhəmiyyətli dərəcədə artması ilə bağlı məlumatlarına baxmayaraq, neft qiymətləri cüzi artıb.

“Birxeber.Az” xəbər verir ki, ICE London Birjasında “Brent” markalı neftin aprel fyuçersləri 0,85 % bahalaşaraq 82,91 ABŞ dollarına satılıb.

Nyu-Yorkun NYMEX əmtəə birjasında isə WTI markalı neftin aprel fyuçerslərinin qiyməti 1 barel üçün 0,66 ABŞ dolları (0,88 %) artaraq 76,05 ABŞ dolları təşkil edib.

Qeyd edək ki, ABŞ-da kommersiya neft ehtiyatları ötən həftə 7,65 milyon barel artaraq 479,04 milyon barrelə çatıb. Bu da 2021-ci ilin mayından bəri ən yüksək göstəricidir.