Türkiyədə silahlı hücum olub, ölən və yaralananlar var
https://birxeber.az//uploads/photo/turkiyede-silahli-hucum-olub-olen-ve-yaralananlar-var.webp
Türkiyənin Ədirnə vilayətində 2 nəfərin ölümü, daha 2 nəfərin xəsarət alması ilə nəticələnən silahlı hücum olub.
Bu barədə “Report” “Haber Global”a istinadən xəbər verir.
Məlumata görə, İpsala rayonunda ov tüfəngi ilə silahlanmış şəxs kafeyə girərək atəş açıb. Hadisə zamanı 4 nəfər yaralanıb.
Zərərçəkənlər İpsala Dövlət Xəstəxanasına yerləşdirilib. Lakin onların ikisi ölüb.
Hadisəni törədən şəxsin saxlanılması ilə bağlı əməliyyat aparılır.
İnsidentin başvermə səbəbi və təfərrüatı açıqlanmır.
