Müdafiə Nazirliyi icbari şəxsi sığorta haqqının ödənişini təmin edəcək

Müdafiə Nazirliyi 2023-cü il yanvarın 1-dən 2024-cü il yanvarın 1-dək dövlət icbari şəxsi sığorta haqqının ümumi say tərkibinə uyğun olaraq ödənilməsini təmin edəcək.

“Birxeber.Az” xəbər verir ki, bu, Baş nazir Əli Əsədovun qərarı ilə imzalanan “Sığortalıların təqdim etdiyi məlumatlar əsasında sığortaolunanların və sığortalıların sığortaçıda uçotu, habelə sığortalılar tərəfindən dövlət icbari şəxsi sığorta haqlarının hesablanması, sığortaçıya ödənilməsi, ödənilməsinə nəzarət və artıq ödənilmiş dövlət icbari şəxsi sığorta haqlarının qaytarılması Qaydası”nda əksini tapıb.

Nazirlik barələrində məlumatların məxfiləşdirilməsi nəzərdə tutulan sığortaolunanlarına unikal kodun (məlumatların məxfiləşdirilməsi nəzərdə tutulan sığortaolunanlara uyğun olaraq bir dəfə xüsusi alqoritmlə müəyyən edilərək verilən təkrarolunmaz nömrədir) verilməsi üçün ən geci 2024-cü il iyunun 1-dək Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fonduna müraciət etməlidir.