Şəmkirdə mağaza yanıb, saxlanılan var - VİDEO - YENİLƏNİB

Şəmkir rayonu ərazisindəki mağazanı qəsdən yandırmaqda şübhəli bilinən, rayon sakini, E. Məmmədov saxlanılıb.

APA xəbər verir ki, bu barədə DİN-in mətbuat xidmətinin Gəncə regional qrupundan bildirilib.

Həmin şəxsin Şəmkir Rayon Polis Şöbəsinin əməkdaşlarının keçirdikləri tədbirlər nəticəsində saxlandığı bildirilir.

***

18.26

Şəmkir rayonu, 20 Yanvar küçəsində yerləşən mağazada yanğın baş verib.

APA xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, dərhal əraziyə FHN-in Dövlət Yanğından Mühafizə Xidməti Şəmkir rayon Yanğından Mühafizə Hissəsinin qüvvələri cəlb olunub.

Hadisə yerində əməliyyat şəraiti qiymətləndirilərkən yanğının bir-birinə bitişik ticarət obyektlərində baş verdiyi və genişlənərək digər obyektlərə keçmə riskinin yüksək olduğu müəyyən edilib.

FHN qüvvələrinin çevik müdaxiləsi sayəsində yanğın genişlənib digər obyektlərə keçməsinə imkan verilmədən qısa müddətdə söndürülüb.

Yanğın nəticəsində vətəndaşlara məxsus ümumi sahəi 40kv.m olan mağazanın içərisində olan mallar və digər mağazanın yanar konstruksiyaları və dam örtüyü 40kv.m sahədə yanıb.

Bitişik tikilən digər ticarət obyektləri yanğından mühafizə olunub.

Xəsarət alan yoxdur.