Malidə silahlılar iki kəndin azı 30 sakinini öldürüblər

Malidə silahlılar iki kəndin azı 30 sakinini öldürüblər

Malinin mərkəzində silahlılar tərəfindən iki kəndin azı 30 sakini öldürülüb.

"Birxeber.Az" xəbər verir ki, bu barədə yerli hökumət sözçüsü Mulaye Qindo məlumat verib.

"Bir qrup silahlı şəxs keçən həftəsonu Mopti bölgəsində yerləşən Oqota və Oimbe kəndlərinə hücum edib", - deyə o bildirib.

M.Qindo əlavə edib ki, törədilən cinayətlərə görə hansı qrupun məsuliyyət daşıdığı hələlik məlum deyil.