Ukrayna Prezidentinin sözçüsü: Zalujnı vəzifəsindən azad edilməyib - YENİLƏNİB

Ukrayna Prezidenti Volodimir Zelenski Ukrayna Silahlı Qüvvələrinin Baş komandanı general Valeri Zalujnını vəzifəsindən azad etməyib.

“Birxeber.Az” xəbər verir ki, bu barədə Ukryana Prezidenti sözçüsü Serhiy Nikoforov “Ukrainska Pravda”nın sorğusuna şərhində bildirib.

“Dəqiq yox. Prezident baş komandanı vəzifəsindən azad etməyib”, –mətbuat katibi Prezidentin Zalujnını vəzifəsindən azad edib-etməməsi ilə bağlı sualına cavabında söyləyib.

Xatırladaq ki, daha öncə Ukraynanın bir sıra teleqram kanalları, habelə ölkənin keçmiş deputatı Zalujnının guya vəzifəsindən azad olunduğunu açıqlayıb.

Ukrayna Silahlı Qüvvələrinin baş komandanı general Valerji Zalujnı tutduğu vəzifədən azad edilib.

“Birxeber.Az” xəbər verir ki, bu barədə Ukrayna KİV və ölkənin sabiq deputatı Borislav Bereza feysbukda bildirib.

Hələlik məlumat rəsmi səviyyədə təsdiqini tapmayıb.