Putin: Azərbaycan və Rusiya Şimal-Cənub Nəqliyyat Dəhlizinin həyata keçirilməsində birgə iştirak edir

Azərbaycan və Rusiya bu gün Şimal-Cənub Nəqliyyat Dəhlizinin həyata keçirilməsində birgə iştirak edir.

Birxeber.Az-nın Moskvaya ezam olunmuş əməkdaşının verdiyi xəbərə görə, bu fikri Rusiya Prezidenti Vladimir Putin aprelin 22-də Moskvada Azərbaycan Prezidenti İlham Əliyev ilə birgə Baykal-Amur magistralının 50 illik yubileyi münasibətilə dəmir yolu sahəsinin veteranları və işçiləri ilə görüşdə deyib.

Vladimir Putin deyib ki, bütün maraqlı tərəfləri bu layihədə iştiraka dəvət edirlər.

Şimal-Cənub marşrutunun qlobal Cənubla nəqliyyat əlaqəsinin təmin olunmasında mühüm rol oynayacağını vurğulayan Rusiya Prezidenti bildirib ki, Şimal-Cənub dəmir yolu marşrutu beynəlxalq əməkdaşlığa bir nümunə olmalıdır.