Kəngərlidə yol qəzası olub, xəsarət alanlar var - FOTO

Kəngərli rayonunda yol-nəqliyyat hadisəsi baş verib, xəsarət alanlar var.

APA-nın Naxçıvan bürosu xəbər verir ki, hadisə rayonun Qıvraq qəsəbəsində qeydə alınıb. Belə ki, Şərur rayon Yaycı kənd sakini, 1975-ci il təvəllüdlü Zeynalov Qabil Sabir oğlunun idarə etdiyi 68-BC-036 dövlət nömrə nişanlı avtomobil 74-BB-220 dövlət nömrə nişanlı "KİA" markalı avtomobillə toqquşub. Hadisə nəticəsində Qaraxanbəyli kənd sakinləri - 1972-ci il təvəllüdlü Babayeva Sara Məhərrəm qızı və 1992-ci il təvəllüdlü Babayeva Rəxşəndə Elman qızı xəsarət alıblar. Onlar Naxçıvan Mərkəzi Xəstəxanasının Travmatologiya şöbəsinə yerləşdiriliblər, vəziyyətləri orta-ağırdır.

Faktla bağlı araşdırma aparılır.