Azad edilmiş ərazilərdə sahibkarlıq subyektlərinin dinamikası açıqlanıb

Bu ilin birinci rübündə Qarabağ iqtisadi rayonunda ötən ilin eyni dövrü ilə müqayisədə mikro sahibkarlıq subyektlərinin sayı 2,2 % artaraq 3 715 olub.

Bu barədə “APA-Economics”ə Dövlət Statistika Komitəsindən bildirilib.

Məlumata görə, hesabat dövründə iqtisadi rayon üzrə kiçik sahibkarlıq subyektlərinin sayı 1,8 % artaraq 179, orta sahibkarlıq subyektlərinin sayı 1,9 % artaraq 70, iri sahibkarlıq subyektlərinin sayı 0,8 % artaraq 6, fərdi sahibkarların sayı 6,4 % artaraq 85 723 təşkil edib.

Yanvar-mart aylarında Şərqi Zəngəzur iqtisadi rayonunda mikro sahibkarlıq subyektlərinin sayı illik müqayisədə 0,5 artaraq 816-a, kiçik sahibkarlıq subyektlərinin ayı 0,5 % artaraq 48-ə, orta sahibkarlıq subyektlərinin sayı 0,4 % artaraq 15-ə, iri sahibkarlıq subyektlərinin sayı 0,2 % artaraq 2-ə, fərdi sahibkarların sayı isə 0,4 artaraq 5 081 olub.

1 aprel tarixinə ölkə üzrə mikro sahibkarlıq subyektlərinin sayı 169 587, kiçik sahibkarlıq subyektlərinin sayı 9 718, orta sahibkarlıq subyektlərinin sayı 3 589, iri sahibkarlıq subyektlərinin sayı 782, fərdi sahibkarların sayı 1 341 825 təşkil edib.