Çinli ekspert: Azərbaycanın ölkəmizdəki yeni səfiri ilə münasibətlərimiz çox yaxşıdır

Azərbaycanın ölkəmizə yeni təyin olunmuş səfiri ilə münasibətlərimiz çox yaxşıdır.

“Report” xəbər verir ki, bunu Çin Sosial Elmlər Akademiyası Rusiya, Şərqi Avropa və Mərkəzi Asiya Araşdırmaları İnstitutunun direktoru Sun Cuanqcı “Azərbaycan-Çin münasibətlərinin yenidən qiymətləndirilməsi: İrəliyə doğru yol” mövzusunda keçirilən tədbirdə deyib.

O bildirib ki, Azərbaycan və Çin əlaqələri genişlənməkdə davam edir və bu, münasibətlərin təməlinin möhkəm olduğunu göstərir:

“Hələ 2001-ci ildə Azərbaycanda Çin şirkətlərinin fəaliyyətini görmüşəm. İki dövlət arasında dostluq münasibətləri günü-gündən sıxlaşır”.