Ceyranbatan su kanalına düşən 13 yaşlı uşağın cəsədi tapılıb - FOTO - YENİLƏNİB-1 - VİDEO

Ceyranbatan su kanalının Sumqayıt şəhərinin "Stansiya Sumqayıt" deyilən ərazisindən keçən hissəsində batan 13 yaşlı uşağın meyiti aşkarlanıb.

APA xəbər verir ki, uşağın cəsədi ekspertizaya göndərilib.

***
19:20


Bu gün Ceyranbatan su kanalının Sumqayıt şəhərinin "Stansiya Sumqayıt" deyilən ərazisindən keçən hissəsində batan 13 yaşlı uşağın axtarışları davam edir.

APA-nın hadisə yerində olan əməkdaşının məlumatına görə, kanalın sürəti çoxdur, buna görə də uşağın sudan tapılması çətinləşir.

***

17.58

Ceyranbatan su kanalının Sumqayıt şəhərinin "Stansiya Sumqayıt" deyilən ərazisindən keçən hissəsində batan şəxsin kimliyi məlum olub.

APA xəbər verir ki, 2011-ci il təvəllüdlü İbrahim Samir oğlu Əliyev ehtiyatsızlıqdan kanala yıxılıb.

Onun axtarışları davam etdirilir.

***

17.25

Fövqəladə Hallar Nazirliyinin "112" qaynar telefon xəttinə Ceyranbatan su kanalının Sumqayıt şəhərinin "Stansiya Sumqayıt" deyilən ərazisindən keçən hissəsində 1 nəfərin batması barədə məlumat daxil olub.

FHN-in Mətbuat xidmətindən APA-ya verilən məlumata görə, dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin və Sumqayıt Regional Mərkəzinin müvafiq qüvvələri əraziyə cəlb edilib.

Əlavə məlumat veriləcək.