Bank sektorunun aktivləri ilk rübdə 241 mln. manatdan çox azalıb

2024-cü il aprel ayının 1-nə Azərbaycan bank sektorunun aktivləri 48 milyard 909,9 milyon manat təşkil edib.

"Birxeber.Az-Economics"in hesablamasına görə, bu 2024-cü ilin əvvəli ilə müqayisədə 0,5% və 241,3 milyon manat azdır. Bu ilin əvvəlində yerli bankların cəmi aktivləri 49 milyard 151,2 milyon manata bərabər olub.

Bu dövrdə sektorun cəmi kredit portfeli isə 4% və ya 919,2 milyon manat artaraq 24 milyard 155,1 milyon manata yüksəlib. Qeyd edək ki, ilin əvvəlində bankların cəmi kredit portfeli 23 milyard 235,9 milyon manat təşkil edib.