Hakan Fidan: “Türkiyə olaraq üçüncü ölkələrin öz münaqişələrini bölgəyə gətirməsini istəmirik”

“Türkiyə olaraq üçüncü ölkələrin öz münaqişələrini bölgəyə gətirməsini istəmirik”.

APA-nın Türkiyə müxbirinin verdiyi xəbərə görə, bu barədə Türkiyə xarici işlər naziri Hakan Fidan bu gün Qətərdə həmkarı Şeyx Məhəmməd bin Əbdülrahman Əl Sani ilə birgə mətbuat konfransı zamanı bildirib.

H. Fidan “bu vəziyyətdə qurban nə İsrail, nə də İrandır. Qəzza xalqıdır” deyə qeyd edib.

Onun sözlərinə görə, İsrailin Baş naziri Benyamin Netanyahunun hakimiyyətdə qalmaq üçün bölgəni müharibəyə sürükləməyə çalışdığı açıq-aşkardır.