Azərbaycan Almaniya ilə "yaşıl enerji" keçidi ilə bağlı siyasəti müzakirə edib

Azərbaycan Almaniya ilə ölkənin "yaşıl enerji" keçidi ilə bağlı siyasətini müzakirə edib.

“Birxeber.Az” xəbər verir ki, bu barədə energetika naziri Pərviz Şahbazov “X” sosial şəbəkəsindəki hesabında yazıb.

P. Şahbazov Azərbaycanda səfərdə olan Almaniyanın xarici işlər nazirinin müavini Cennifer Morqan ilə görüşüb.

Görüşdə Azərbaycanın "yaşıl enerji" keçidi ilə bağlı siyasəti, həyata keçirilən istehsal-ixrac layihələri müzakirə edilib.

"Görüş zamanı həmçinin BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində fəaliyyətlə bağlı məsələlər ilə bağlı fikir mübadiləsi aparılıb", - nazir bildirib.

Almaniyanın xarici işlər nazirinin müavini Cennifer Morqan ilə Azərbaycanın #YaşılEnerjiKeçidi ilə bağlı siyasəti, həyata keçirilən istehsal-ixrac layihələri və @COP29_AZ çərçivəsində fəaliyyətə dair məsələləri müzakirə etdik. pic.twitter.com/iwNCmCZ0mV

— Parviz Shahbazov (@ParvizShahbazov) January 29, 2024