Mikayıl Cabbarov: "2016-2022-ci illər ərzində 570-dən artıq investisiya təşviqi sənədi verilib"

2016-2022-ci illər ərzində 470-dən çox sahibkarlıq subyektinə 570-dən artıq investisiya təşviqi sənədi verilib.

“Report” xəbər verir ki, bu barədə Azərbaycan iqtisadiyyat naziri Mikayıl Cabbarov özünün “Twitter” hesabında yazıb.

Onun sözlərinə görə, sahibkarların həyata keçirəcəkləri layihələr nəticəsində 5,5 milyard manatdan çox investisiyanın yatırılacağı, 38 minədək yeni iş yerinin yaradılacağı nəzərdə tutulub: “Layihələrin 14 %-i Bakı şəhəri və ətraf qəsəbələrin, 86 %-i isə regionların payına düşür”.