Azərbaycanlı səfir Ukraynanın XİN başçısının müavini ilə COP29-la bağlı müzakirələr aparıb

Azərbaycanın Ukraynadakı səfiri Seymur Mərdəliyev Ukrayna xarici işlər nazirinin müavini İrina Borovets ilə görüşüb.

APA xəbər verir ki, səfir bu barədə “X” platformasında paylaşım edib.

“Bu ilin sonunda Bakıda keçiriləcək COP29-a hazırlıqla bağlı, o cümlədən Ukrayna və Azərbaycan arasında çoxtərəfli əməkdaşlıq məsələləri müzakirə edilib. Həmçinin Azərbaycanın Ukraynaya humanitar yardımı və təşəbbüsləri barədə məlumat verilib”, - səfir qeyd edib.