COP-29 çərçivəsində ilk Azərbaycan İnvestisiya Forumu keçiriləcək

COP-29 çərçivəsində ilk Azərbaycan İnvestisiya Forumunun keçirilməsi nəzərdə tutulur.

“Birxeber.Az-Economics” xəbər verir ki, bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev mətbuat konfransında bildirib.

Ötən il Çinlə 7 müqavilənin bağlanmasına diqqət çəkən Y.Abdullayev bildirib ki, 2023-cü ildə AZPROMO-nun Ticarət Nümayəndəliyinin aparatının dəstəyi ilə Çinə 2.1 milyon ABŞ dolları dəyərində qida, içki məhsulları və xalçalar ixrac edilib.

İcraçı direktor həmçinin əlavə edib ki, payız aylarında Birinci İllik İxrac Forumunun da keçirilməsi nəzərdə tutulur. Bu il üçün əsas hədəflərdən biri isə xarici investorların Qarabağa gətirilməsidir.