ABŞ dövlət katibinin müavini Moldova və Fransaya səfər edəcək

ABŞ dövlət katibinin müavini Xose Fernandes enerji böhranı, Ukraynanın yenidən qurulması, eləcə də bir sıra digər məsələləri, o cümlədən iqlim dəyişikliyi ilə bağlı məsələləri müzakirə etmək üçün yaxın günlərdə Kişinyov və Parisə səfər edəcək.

“Birxeber.Az” xəbər verir ki, bu barədə ABŞ Dövlət Departamentinin mətbuat xidməti məlumat yayıb.

Xose Fernandes Kişinyovda fevralın 8-10-da, Parisdə isə fevralın 12-15-də səfərdə olacaq. Onun rəsmi şəxslər, işgüzar dairələrin və vətəndaş cəmiyyətinin nümayəndələri ilə görüşləri nəzərdə tutulub.

Fernandes gələcək təmaslarda təchizat zəncirinin davamlılığı, təmiz enerji keçidi, iqlim dəyişikliyi, kritik və inkişaf etməkdə olan texnologiyaların qorunması və yayılması məsələlərini həll etməyi planlaşdırır.