Astarada 5 yaşlı uşağı maşın vuraraq öldürüb - FOTO

Astarada azyaşlının ölümü ilə nəticələnən yol-nəqliyyat hadisəsi baş verib.

APA-nın cənub bürosunun verdiyi məlumata görə, hadisə Astara rayonunun Qamışoba kəndi ərazisində qeydə alınıb. Hərəkətdə olan "VAZ-2106", 90-EZ-171 dövlət nömrə nişanlı minik avtomobili Cəlilabad rayonunun Çəmənli kənd sakini, 5 yaşlı F.Nəzərovanı vurub. Sürücü özü uşağı Lənkəran rayon mərkəzi xəstəxanasına çatdırmaq istəsə də, azyaşlı yolda keçinib.

Meyit aidiyyəti üzrə təhvil verilib. Hadisəni törədən sürücü özü polisə təslim olub.

Faktla bağlı araşdırma aparılır.

Məlumata görə, qəzada həlak olan azyaşlının ailəsi bir ay əvvəl işləmək üçün Cəlilabad rayonundan Astaraya köçüb.