Lüksemburq Ukraynaya 50 milyon avro məbləğində silah verib

Lüksemburq Ukraynaya ümumi dəyəri 50 milyon avroya çatan silahları təhvil verib.

"Birxeber" "RBC-Ukraina"ya istinadən xəbər verir ki, bunu Lüksemburqun Baş naziri Ksavye Bettel deyib.

“Biz müharibənin qlobal nəticələrinə cavab vermək və Ukraynanın yenidən qurulmasını nəzərə alaraq bütün tərəfdaşlarımızla işləməyə davam edəcəyik. Humanitar yardımdan əlavə, Ukraynadan qaçqınların qəbulu üçün ümumilikdə 100 milyon avro ayrılıb, həmçinin Ukrayna ordusuna 50 milyon avro dəyərində müdafiə silahları təqdim olunub", - Bettel qeyd edib.

Lüksemburqdan əvvəl Almaniya və Litva hökumətləri Ukraynanı silahla təchiz edəcəklərini açıqlayıb.