Kürdə batan ata və qızın axtarışı aparılır

Kür çayının Ağcəbədi rayonundan keçən hissəsində 2 nəfər batıb.

FHN-dən APA-ya verilən xəbərə görə, hadisə rayonun Nəcəfqulubəyli kəndi ərazisindən keçən hissəsində 2 nəfərin batması barədə məlumat daxil olub.

Məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.

Əlavə məlumat veriləcək.

Xatırladaq ki, axtarılan şəxslər Zərdab rayon sakini olan ata və 6 yaşlı qızıdır.