Bəzi Avropa ölkələri “Patriot” sistemlərini Ukraynaya göndərməkdən imtina edib

Ukrayna hakimiyyəti Polşa, Rumıniya və İspaniyanı “Patriot” hava hücumundan müdafiə sistemlərini Kiyevə göndərməyə təhrik edir.

APA xəbər verir ki, bu barədə “Financial Times” (FT) qəzeti iki anonim mənbəyə istinadən məlumat yayıb.

FT-nin məlumatına görə, bir sıra Avropa ölkələri bu qərarı “müdafiə qabiliyyətini saxlamaq zərurəti” ilə izah edərək, Ukraynaya “Patriot” göndərməkdən imtina ediblər.

“Kiyevə yeddi “Patriot” sistemi lazımdır. Lakin bunu razılaşdırmaq çətindir”, - nəşr qeyd edib.