Lerikdə aramsız yağışlar Ağçay çayı üzərindəki su ötürücü boruları dağıdıb - VİDEO

Sel suları Lerik rayonu ərazisində su ötürücü borulara ziyan vurub.

APA-nın cənub bürosunun verdiyi məlumata görə, Lerikdə iki gün yağan aramsız yağışlar nəticəsində sel suları Lerik rayonunun Şingədulan ərazisində, Ağçay çayı üzərində salınan su ötürücü boruları dağıdıb. Kənd sakinləri borular üzərindən körpü kimi istifadə edirdilər.

Qeyd edək ki, Ağçay çayı üzərində qurulan su ötürücünün uzunluğu 3-4 metrdir. Bu çay üzərində körpü tikintisi nəzərdə tutulsa da, müəyyən səbəblərdən təxirə salınıb.