Salyanda piyadanın ölümü ilə nəticələnən yol qəzası baş verib
Salyanda avtomobil piyadanı vuraraq öldürüb.
APA-nın Mil-Muğan bürosunun məlumatına görə, hadisə Salyan rayonunun Qarabağlı kəndində qeydə alınıb.
Yolu keçən Qarabağlı kənd sakini, 1993-cü il təvəllüdlü Qurbanov Cavad Mehdi oğlunu avtomobil vurub.
Piyada yaralı vəziyyətdə Şirvan şəhər xəstəxanasına çatdırılarkən aldığı xəsarətlərdən yolda keçinib.
Faktla bağlı araşdırma aparılır.