AEBA Rusiya və Ukraynanın müraciəti ilə Zaporojye AES-dəki vəziyyətlə bağlı iclas keçirəcək

Atom Enerjisi üzrə Beynəlxalq Agentliyin (AEBA) Rəhbərlər Şurası aprelin 11-də Vyanada yerləşən qərargahında Zaporojye Atom Elektrik Stansiyasındakı (AES) vəziyyətlə bağlı iclas keçirəcək.

“Report” xəbər verir ki, bu barədə Rusiya KİV-i məlumat yayıb.

“İclas Rusiya və Ukrayna tərəfindən Şuranın iclasının çağırılması müraciəti ilə ünvanlanmış iki ayrı məktub əsasında İdarə Heyətinin sədri tərəfindən çağırılır”, - məlumatda qeyd edilib.

Qeyd edək ki, aprelin 5-dən aprelin 9-dək Zaporojye AES-ə dronların hücumu olub. Yük limanı və azot-oksigen stansiyasının ərazisi, yeməkxana, altıncı enerji blokunun günbəzi və Zaporojye Atom Elektrik Stansiyasının təlim mərkəzi vurulub.