NBC: ABŞ Qəzzada əməliyyatları azaltmaq üçün İsrailə silah tədarükünü ləngidə bilər

ABŞ prezidenti Co Baydenin administrasiyası yəhudi dövlətini Qəzza zolağında hərbi əməliyyatını miqyaslı şəkildə azaltmağa inandırmaq üçün bir vasitə olaraq İsrailə silah satışını ləngidə və ya dayandıra bilər.

Birxeber.Az xəbər verir ki, bu barədə NBC News amerikalı məmura istinadən məlumat yayıb.

Hələlik heç bir qərarın verilmədiyi qeyd edilir. Kanal bildirir ki, Amerika hakimiyyəti yəhudi dövlətinə humanitar dəhlizlər açmaq və anklavın mülki əhalisinə daha çox yardım göstərmək üçün təzyiq göstərməyi planlaşdırır.

Mənbələrin bildirdiyinə görə, tədarükü azaldıla bilən silahlar arasında JDAM dəqiq idarəedici dəsti olan hava bombaları və 155 mm-lik artilleriya mərmiləri var.