KİV: Şimali İraqda PUA beynəlxalq koalisiyanın hərbi bazasına atəş açıb

KİV: Şimali İraqda PUA beynəlxalq koalisiyanın hərbi bazasına atəş açıb

Pilotsuz Uçuş Aparatı İraqın şimalında Ərbil şəhəri yaxınlığında yerləşən ABŞ-ın rəhbərlik etdiyi beynəlxalq koalisiyaya məxsus hərbi bazaya zərbə endirib.

APA xəbər verir ki, bu barədə Shafaq News informasiya portalı güc strukturlarındakı mənbəyə istinadən məlumat yayıb.

Məlumata görə, yerli vaxtla saat 14:20-də pilotsuz uçuş aparatı (PUA) Ərbil beynəlxalq hava limanının yanında yerləşən bazanı atəşə tutub. Dəymiş ziyanla bağlı hələlik dəqiq məlumat yoxdur.

Hava limanının bilavasitə yaxınlığında ABŞ-ın rəhbərlik etdiyi beynəlxalq koalisiyanın hissələrinin yerləşdiyi Harir hərbi bazası yerləşir.

Hücuma görə məsuliyyəti İraq İslam Müqavimətinə aid silahlı şiə hərəkatı öz üzərinə götürüb.